INJABULO BEFAKELWA UGESI EBAQULUSINI
IMEYA kaMasipala waseBaqulusini uCllr S’fiso Mkhwanazi ngesikhathi ethula usonkontileka.
AMALUNGA omphakathi azofakelwa amasola eVryheid. IZITHOMBE: ABAQULUSI MUNICIPALITY
NOMCEBO NGEMA
ILOKHU iqhubeke njalo nokugeleza intuthuko kuMasipala waseBaqulusini, njengoba uqhubeka nokufaka amasola kwimizi engenawo ugesi.
IMeya yaloMasipala uCllr S’fiso Mkhwanazi ngokubambisana nePhini layo uCllr Sakhayedwa Siyaya, uMphathi kaMasipala uNkk Sbonga Dlamini, uSomlomo uCllr Nonkululeko Ndlela, amalunga esigungu esiphezulu, amakhansela noMqondisi wakwa-Technical Services uMnuz Nathi Mbongwa, bavakashele kuWard-12 (Sweet Home Area) nakuWard-22 (endaweni yakwaHlanguza nakwa Haqa), ngenhloso yokwethula ngokusemthethweni usonkontileka oqokelwe ukufaka ama-Solar Panels,.
Lawa maSolar wawokubambisa njengesisombululo, ngesikhathi izakhamuzi zisalindele ukufakwa kwengqalasizinda kagesi.
UMasipala uthi lolu hlelo luyingxenye yokuzibophezela okuqhubekayo koMkhandlu, ekuthuthukiseni ukufinyelela kwezinsiza ezibalulekile, ikakhulukazi ezinganeni ezifunda isikole njengoba zibhekana nengqinamba yokwenza umsebenzi wesikole uma sekusebusuku ngenxa yokungabibikho kukagesi.