OWESIFAZANE UTHI IZINDAWO ZOBUMNANDI ZIMENZE ISIGQILA SEZIDAKAMIZWA
UMBHALO: ZETHU PHOSWA
newsroom@selectafricanews.co.za
OWESIFAZANE ukhala ngokuba umlutha wezidakamizwa, kulandela ukufakelwa isidakamizwa esiphuzweni sakhe esebumnandini.
UNksz Siphelele Phungula (23) waseNgcungcwini eNanda, uthi sekhathele yile mpilo ayiphilayo.
Uthi noma engazi ukuthi ubani owamgilayo.
“Ngazibona senginyakaza kakhulu kwaqhamuka izitayela engingazazi zomdanso, ngadansa kwaze kwasa.
“Bekulokhu udlala ingoma eyodwa ezindlebeni zami okuyiyo edlale ngiqala ukungenwa umgwinyo.
“Ngisho sengisekhaya kungekho msakazo bekulokhu kudlala le ngoma ezindlebeni zami. Wawungasafuni ukuphela umgwinyo egazini, ” esho.
Uthi ufisa ukuphila impilo ehlanzekile.
