ICHIPPA IXOSHE UMQEQESHI YABUYISA OMDALA
UVUSIMUZI Vilakazi okhuza ibuya kwiChippa. ISITHOMBE : FACEBOOK
MABUNHLE MLABA
UKHUZA ibuya kwiChippa United uVusimuzi “Kanu” Vilakazi njengoba leli qembu lase-Eastern Cape selikhombe indlela uLuc Eymael ngenxa yemiphumela engagculisi.
Usihlalo weChippa United uSiviwe Mpengesi uziqinisekile lezi zindaba wathi uKanu, obekade eqeqesha iKruger United edlala kuMotsepe Foundation Championship, uzoba sebhentshini emdlalweni weBetway Premiership olandelayo.
IChippa ibambe ibhuleki kwiligi ngamaphuzu ayisithupha ngemuva kwemidlalo eyishumi njengoba isadlale ama-draw amathathu, yase ithola isibhaxu kasithupha.
Umdlalo wamaChilli Boys olandela ngonzima njengoba ezobhekana naMaZulu, e-East London ngoNovemba 1. AmaZulu asefomini enhle kulezi zinsuku njengoba esanda kuguqisa omkhaya baKwaZulu-Natal iDurban City ngo 1-0 koweLigi muva nje.
Kuzo kwezokushintshwa kwabaqeqeshi iBaroka FC nayo isikhulule uDan Malesela yalanda abaqeqeshi benkulisa yayo. UMalesela unebhadi lokuxoshwa njalo kanti akwaziwa ukuthi usezovumbukaphi manje.
