LUSHAYA NGOLUNYE UNYAWO OLWE-ISUKILE

ZETHU PHOSWA

LUSHAYA ngolunye unyawo uhlelo loMnyango wezemiDlalo, ezobuCiko Namasiko i-Isukile okuhloswe ngalo ukuvundulula amakhono anhlobonhlobo nokuwathuthukisa.
Lokhu kuvele obala ngesikhathi kunalo mcimbi we-Isukile obusezinkundleni zemidlalo KwaMsane Sport Complex eMkhanyakude ngempelasonto.
Kule midlalo bekukhona nomqhudelwano webhola lezinyawo wabangaphansi kweminyaka eyi-13, amaqembu ayi-8 amantombazane , nayi-8 abafana abevela ezikoleni ezakhele le ndawo batholane phezulu emidlalweni kanobhutshuzwayo abonisa.
Intsha yakule ndawo ikhombise ukuyithakasela kakhulu imidlalo yaveza ubuchule obuthembisayo kwezokudlala.
UPedro Diaz ongumqeqeshi ku-AmaZulu FC, ube nethuba lokweluleka nokukhuthaza abadlali abasafufusa ngokubaluleka kokuthuthukisa amakhono, nokugxila kwezemidlalo ukuze bakwazi ukuphepha nokuziphilisa, okuzokwakha ikusasa eluqhakazile