UKHANYISA UZOKHANYISA KWI-CHIEFS
MALIBONGWE MAZIBUKO
KUPHELILE ukuqagela ngekusasa likaKhanyisa Mayo okubikwe ukuthi ucithwe iqembu lakhe lase-Algeria iCR Belouzdad ngesizathu sokungabi sesinhlelweni zikamqeqeshi uSead Ramovic.
UMayo ufika njengomdlali we-11 eqenjini iKaizer Chiefs kule sizini ka-2025/26 njengoba leli qembu lilungiselela umqhudelwano weCAF Confederations Cup.
Kuzokhumbuleka ukuthi uyise kaKhanyisa uke wagijimela iqembu laseNaturena njengoba nendodana yakhe isizogijimela leli qembu. Uzojoyina u-Aden McCarthy olandele ezinyathelweni zikayise uFabian McCarthy, okulindeleke lo mdlali abuye eNingizimu Afrika ukuzophothula enye inxenye yezivumelwano zabo.
UMayo udlale imidlalo engama-28 washaya amagoli amane eqenjini lase-Algeria iCR Beloiuzdad.