UBE IMPUMELELO UMJAHO I-HARRY GWALA

ABAGIJIMI bazibonakalise kwiHarry Gwala Marathon ngesasasa lokuzilungizelela iComrades Marathon.
ISITHOMBE: KZNDSAC

MALIBONGWE MAZIBUKO

UMJAHO iHarry Gwala Marathon obuseHarry Gwala, okungumjaho wabagijimi abavela ezindaweni ezahlukene, ukutshengisa ukuthi sebelungele iComrades Marathon, eba minyaka yonke KwaZulu-Natal, edonsa nabantu abaqhamuka emhlabeni jikelele.

Lo mcimbi oxhaswe uMnyango wezeMidlalo, ezobuCiko namaSiko, owokukhuthaza ukuthuthukiswa kwezemidlalo emphakathini.

Okuhle ngalo mjaho nokwenza ube nesasasa ukuthi usetshenziswa njengengxenye yokuzilungiselela iComrades Marathon, okungomunye wemijaho emikhulu.
Abahleli bomcimbi baveze ukwaneliseka ngendlela umjaho ohambile ngayo, bekhombisa ukubambisana okuhle phakathi kukahulumeni, abaxhasi kanye nomphakathi.
Kuphinde kwabonakala umoya wobumbano nokwesekana phakathi kwabantu, okuyinto ebalulekile ekukhuliseni nasekuthuthukiseni ezemidlalo esifundazweni.
UMnyango wezeMidlalo, ezobuCiko namaSiko, ubalule ukuthi uzokuqhubeka nokweseka imicimbi efana nale, ngenhloso yokwakha ikusasa eliqhakazile kwezemidlalo nokunikeza amathuba kubagijimi abasakhulayo.
Lo mjaho uphethe ngokushiya ugqozi kubagijimi abaningi, abaqhubeka nohambo lwabo lokuya kwiComrades Marathon benethemba, ukuzimisela kanye nomoya wokunqoba.