BANCONCOZA NGOKUQOKWA KWEYONYAKA OKHOZINI FM

UMBIKO: ZETHU PHOSWA

KUQOPHEKE umlando iqembu lomculo we-Afro Pop iMalini, liqokwa kwi-top 10 yoKhozi FM, kuhla lwezingoma ezizohlukanisa unyaka.

Lokhu kwenzeke okokuqala ngqa ngemuva kweminyaka eyi-20, selokhu baqala ukungena emculweni.

Imalini iqokwe ngengoma yayo entsha ethakaselwe kakhulu ethi ‘Uthunyelwe Abadala’.

“Eminyakeni eyi-20 singakaze singene kwi-top 10, lokhu kusijabulise kakhulu. Siyacela abantu basivotela,” kuchaza Siyanda Mwadla okhulumela iMalini.

Ukuvota Imalini thumela umqhafazo othi INGOMA F KU:35615