KUGXEKWA UJORDAN NGOKUQATHAKA KWABE-BANYANA
MABUNHLE MLABA
KUGXEKWA isikhulu esiphezulu uDanny Jordan ngokushiya kwezethenjwa eqenjini lesizwe iBanyana Banyana.
Lokhu kulandela ukwesula
kukaJermaine Seoponswe ngenxa yokungagculiseki ngendlela abaphathwa ngayo nokungakhokhelwa ngendlela egculisayo.
USeoponswe usula nje ulandela uThembi Kgatlana ocela ukuhoxiswa ngenxa yezizathu zangasese. Abaningi sebegxeke ubuholi bukaDanny Jordan kwi-SAFA ekhungethwe izinkingna. Ngaphambi kwe-WAFCON eMorocco abadlali babamba isiteleka bekhala ngokungakhokhelwa amabhonasi emidlalo yasekuqaleni konyaka. Kungakapholi maseko abaxhasi beminyaka u-SASOL wamemezela ukuthi uyahoxa ekuzihlanganiseni nale nhlangano engamele ibhola ezweni ngoba kayeneme ngendlela esingethe ngakhona izindaba zayo.