UVALO KOWE-SUNDOWNS NJENGOBA BEZOHLANGANA NE-TUNISIA

UMBIKO: MABUNHLE MLABA

ISITOBHA seBafana Bafana neMamelodi Sundowns uGrant Kekana, uthi balindele impi uma sebehlangana ne-Esperance, emlenzeni wesibili we-CAF Champions League eStade Olympique Hammadi Agrebi kusasa ngoLwesibili ngo-9 pm ebusuku.
ISundowns izoya kulo mdlalo ihamba phambili ngegoli elilodwa eqandeni, njengoba yanqoba umlenze wokuqala eLoftus Versfeld Stadium ePretoria ngesonto eledlule.
“Umqeqeshi wethu uMiguel Cardoso usesicebisile ngokumele sikulindele eTunisia, nathi sesidlale kulo mqhudelwano iminyaka eminingi okusho ukuthi sesinaso isipiliyoni,” esho. Ngesikhathi i-Esperance ivakashele eNingizimu Afrika, kwacaca ukuthi yayizele ukuthola i-draw ngendlela eyayigqishe ngakhona emuva naseswini. UPeter Shalulile, okunguye owaba iqhawe ngegoli emlenzeni wokuqaka, kulindeleke aphinde athwale amathemba eSundowns, uRiberio noTebogo Mokoena. ISundowns yagcina ukunqoba lesi sicoco esikhulu e-Afrika ngo-2016, iqeqeshwa uPitso Mosimane.