ISICHITHE UMDLALI I-PIRATES
UMBIKO: MABUNHLE MLABA
umusamedia1@gmail.com
I-ORLANDO Pirates seyiphinde yahlukana nomunye umgadli uZakhele Lepasa, obelizwa ngendaba ijezi ngesizini edlule. ULepasa oke wadlala nakwiBafana Bafana ubesehlale amasizini amahlanu kwiPirates eyamthatha kwi-TS Galaxy. Wazakhela igama ngesikhathi eshaya iphenathi i-TS Galaxy inqoba iKaizer Chiefs kwiNedbank Cup yango 2019. Ukuthole nzima ukudlala njalo njengoba ozakwabo abadlala phambili abanjengoTshegofatso Mabasa no-Evidence Makgopa bebevutha. IPirates isanda kusayina umgadli uYanela Mbuthuma emlande evutha kwiRichards Bay FC.
