IKHUPHUKA NGENOTHI ELIPHEZULU INKOMFA YE-JCI

UMBIKO: ZETHU PHOSWA

IQALE ngenothi eliphezulu inkomfa ye-Junior Chamber International Africa and the Middle East, kulandela ukuvulwa ngokusemthethweni izolo e-ICC eThekwini.
Le ngqungquthela ebandakanya umhlaba wonke jikelele, ivulwe ngokusemthethweni uMengameli wayo uMnuz S Keisuke, othe inhloso yabo ukuthuthukisa intsha ikakhulukazi kwezobuchwepheze.
UMengameli weJCI eThekwini uMnuz Sphiwe Khuzwayo kule nkomfa ugqamise kakhulu, ukubaluleka kokuthuthukisa intsha kumakhono ngokuqhamuka namasu amasha, azokwazi ukumelana nesimo sobuchwepheshe okuyibo obukhonyanyo, kulesi sikhathi samanje.
“Okuseqhulwini ukuthi kule nkomfa sizoqhamuka namaqhinga amasha ukuthuthukisa ukuphathwa komasipala. Inhloso ukuhlonisa intsha ukuze ibe negalelo lokuthuthukisa izindawo zangakubo,” kubeka uMengameli uKhuzwayo.
Uthi lengqungquthela izocija kakhulu intsha, kanti iningi intsha yaseNingizimu Afrika ehlomulile.
“Izwe lethu ukuze lithuthuke lincike ekutheni intsha ibe nobuholi obuqinile. Le nkomfa izokhuthaza abaholi abasebasha abangenza izinguquko ezibonakalayo eNingizimu Afrika nakwamanye amazwe,” esho.
Le nkofa iqale izolo, izophothulwa kusasa, kulindeleke ukuthi iklame indima enkulu ukuthuthukisa umnotho.
Abantu abahambele le nkofa baqhamuka kumazwe ahlukene emhlabeni jikelele.