UQOKWE KWELASE-MOROCCO UDAVIDS
MALIBONGWE MAZIBUKO
UMQEQESHI wakuleli uFadlu Davids useqokwe ngokusemthethweni eqenjini laseMorocco eligijima kwi Botola Pro 1 iRaja Casablanca ngemva kokushiya eqenjini laseTanzania iSimba SC.
Kusabalale amahebezi okuthi kungenzeka uDavids abuyele kwi Raja emva kokuthi iqembu lase Morocco likhombe indlela umqeqeshi uLasaad Chappi ngenxa yokuphikwa imiphumela, lawo mahebezi akhombe ukuba iqiniso njengoba esemenyezelwe ngokusemthethweni kwelase Morocco.
UDavids ukhuza ibuya kuleli qembu njengoba ayebambe njengephini likamqeqeshi ngesizini ka 2022/23, lapho leli qembu lanqoba iLigi lingakaze lidliwe okwaba okokuqala nqa emlamdweni walo.
IRaja Casablanca izobhekana neDifaa El Jadidi kumdlalo wesithathu kwiligi mhla zinga-28 kuMandulo ngehora lesihlanu ntambama kanti leli qembu limi endaweni yesine ngamaphuzu amane.