UBUHOLI OBUSHA KWISIBHAKELA E-KZN
UMBIKO: MABUNHLE MLABA
umusamedia1@gmail.com
KUHAMBE njengezifiso zabaningi kuqokwa uBanele Magadla waseThekwini njengoSihlalo omusha we-KZN Boxing Olympic Style ebinomhlangano omkhulu obanjwa njalo ngemuva kweminyaka emine eMangosuthu University of Technology eMlazi muva nje. UMagadla, onamava esibhakeleni sama-amesha njengoba eseke waphatha isikhundla sokuba uNobhala Jikelele kuyo le nhlangano, uvala indawo kaSandile Sibisi obesehole iminyaka emide ngobunono.
UMagadla ubebanga lesi sikhundla noNathi Hlatshwayo waseDundee ongazelwa lutho olutheni ngokusebenza ehhovisi ngaphandle kokuba nekhono lokuqeqesha amabhokisa anohlonze asegudle nawo ne-Team SA beyodlala emqhudelwaneni efana namaRegion 5 Youth Games namaCommonwealth Games. UMagadla uzolekelwa uSiziphiwe Mfeka wasoGwini.
UMhlengi Maxase waseMgungundlovu owake waba umxhumanisi nomphakathi (PRO) ukhuze ibuya kule nhlangano njengoba eqokelwe kwesimqoka sokuba uMgcinimafa.
Umsebenzi wokuqala kaMagadla kuzoba ukuhamba nethimba lase-KZN sekuyokhethwa ubuholi obusha bukazwelonke kwi-SA National Boxing Organisation (SANABO) ngenyaka ka-August 15 kuya kumhlaka 17 eKempton Park eGoli. Bekumele ngabe lo mhlangano wenziwa kule mpelasonto kodwa izinxushunxushu e-Eastern Cape naseMpumalanga zidale ukuthi kuhlehliswe inyanga ukuze zixozulululwe.
Limi kanje ikomiti elisha le-KZN Boxing Olympic Style
President: Banele Magadla
Deputy President: Siziphiwe Mfeka
Secretary General: Thulisile Ndlovu
Deputy Secretary General: Mmeli Mbonambi
Treasurer: Mhlengi Maxase
Public Relations Officer: Zwelihle Ntuli
Additional Member: Sipho Khumalo