I-PIRATES ISAZOVIKA UCELEMBA NGEZANDLA NGO-MBEKEZELI

MABUNHLE MLABA

KUBONAKALA sengathi iPirates izovika ucelemba ngezandla ngomdlali uMbekezeli Mbokazi ofike wadlala ingcwenga kwiBafana Bafana
Lokhu kwenze ukuthi amehlo athi njo kwiPirates ukuthi izokwenza njani uma sekuvela amaqembu ase-Europe afuna isitobha seBafana Bafana uMbekezeli, osanda kudlala ingcwenga kubanjwa iNigeria ngo 1-1 kowokuhlungela indebe ye-FIFA World Cup 2026.
Umqeqeshi weqembu lesizwe uHugo Broos usanda kuphumela obala ukuthi lo mdlali waseHluhluwe ubona kumlungele ukuyodlala phesheya ngenxa yekhono analo.