I-CHIEFS ISIKHULULE UMDLALI

UMBIKO: MABUNHLE MLABA

I-KAIZER Chiefs seyikhulule umgadli uRanga Chivaviro owafika kule kilabhu ethwele ngeqoma. Yamthenga kwiMarumo Gallants lapho ayevutha khona ngokushaya amagoli.
IChiefs yamgixabeza ngenkontileka yeminyaka emibili. Ugijime imidlalo engu-45 kanti ukwaze ukushaya amagoli ayi-9. Esitatimendeni esikhishwe ikilabhu imbongile ngayenzele khona yase imfisela inhlanhla lapho eya khona. Kuthiwa iChiefs ifuna ukuvala isikhala ngomgadli weMamelodi Sundowns u-Etiosa Ighodaro, obolekwe kuMaZulu. Negama lomgadli we-Orlando Pirates uMonnapule Saleng liyavela. USaleng ube ngundabamlonyeni ngesizini edlule njengoba ubengasadlaliswa ngemuva kokuputshuka kwezindaba zokuthi ukhala ngomholo athi awumgculisi. Ikusasa lakhe alaziwa kwiPirates kanti abalandeli bakhe bafisa ukumbona ejulukisa amadoda enkundleni ngesizini ezayo