KUQWASHISWA UMPHAKATHI NGOBUNGOZI OBUTHOLAKALA EKUDLENI
ABASEBENZI bakaMasipala weTheku beqwashisa amalunga omphakathi ngobungozi obutholakala ekudleni. Isithombe: eThekwini Municipality
NOMCEBO NGEMA
UBE impumelelo umkhankaso kaMasipala weTheku ngaphansi koPhiko lwezeMpilo wokuqwashisa izakhamuzi zaseNanda ngobungozi obutholakala ekudleni.
Lo mphakathi uthole ithuba lokuhlonyiswa ngolwazi nezindlela ezifanele zokuphatha ukudla, nobungozi obutholakala kukhona ukudla.
Bafundiswe kabanzi ngokubaluleka kokugcina ukudla kuhlanzekile futhi kulondolozwe ngendlela efanele ukuze kugwemeke izifo ezithathelana ngokudla.
Lo mkhankaso ubuhlanganisa abapheki bokudla emphakathini, ngenhloso yokubakhuthaza ukuthi babambisane ekuvikeleni impilo yezakhamuzi kanye nokwakha isiko lokugcinwa kokudla ngendlela ephephile emiphakathini.