INDIDA KUHEKHWA UBUXHAKAXHAKA BAKWA-STATS SA
ABAKWA-STATS SA bathi bazolubheka udaba lokuntshontshwa kwemininingwane yabantu abafuna imisebenzi. ISITHOMBE: FACEBOOK
NOMCEBO NGEMA
INDIDA kuhekhwa ubuxhakaxhaka bakwa-Stats SA, kwantshontshwa imininingwane yabantu abafuna imisebenzi.
Kuvele ukuthi lesi senzo senziwe i-XP95 engene kulobuxhakaxhaka yantshontsha u-154 GB wedatha, ohlelweni lwangaphakathi lokuqasha iHuman Resources (HR) olusetshenziswa abafuna umsebenzi.
Lezi gilamkhuba zifuna isizumbulu semali engu-R1.7 million, ukuze zingayikhiphi imininingwane yabantu eziyintshontshile ziyigcwalise kwi-internet.
Abakwa-Stats SA bavumile ukuthi ubuxhakaxhaka babo buhlaselwe kodwa bathi imininingwane yabo emningi ayithathwanga. Baqhube bathi bazolubika loludaba ku-Information Regulator wakuleli.