I-HDJ IZOKUBA NABACULI ABANEGAMA BASE-MZANSI

UMBIKO: AKHONA DLAMINI

I-HOLLYWOODBETS Durban July 2025 ibhekwe ngabomvu kulo nyaka, njengoba isikhiphe ukuthi izokuba nabaculi asebemklantshubonvu baseNingizimu Afrika.
Abaculi abazokuba beshiyelana isteji mhla zi-5 kuNtulikazi eHollywoodbets Race Court, eGreyville eThekwini, kubalwa uMafikizolo, uLira, iHot Water, uLee Cole, iGoodLuck, iSunset Sweatshop nabanye.
UZandile Dlamini weHollywoodbets uthe kulo nyaka lo mjaho wamahhashi uzokuba usezingeni elicokeme ngendlela ohlelwa ngayo.
“I-HDJ yalo nyaka uzokube iqhakambisa amasiko. Siyaziqhenya ngokuhlinzeka ngohlu oluzokhombisa umculo ohamba phambili waseNingizimu Afrika, oluhlanganisa abantu ngendlela esingasoze sayikhohlwa.”
Uthi lo mjaho uzojabulisa ngomculo, imibukiso yemfashini emangalisayo, ukubuka umjaho wamahhashi nobumnandi obuyintsanda.