ITHUBA ELIYINGQAYIZIVELE KOSONKONTILEKA ABASAFUFUSA E-KZN
UNGQONGQOSHE uMnuz Martin Meyer obeyisikhulumi esiqavile kulomcimbi.
UMNUZ Khulile Nzo onguSihlalo webhodi le-CIDB. IZITHOMBE: ZETHU PHOSWA
NOMCEBO NGEMA
IMPILO kosonkontileka abasafufusa angeke isafana nayizolo, kulandela ukuthi Construction Industry Development Board, ibanike ithuba eliyingqayizivele lokucijwa ngamakhono, ukuze bakwazi ukuzithuthukisa. Lolu hlelo luthulwe ngokusemthethweni ngoLwesibili, eCoastland Hotel eMusgrave.
USihlalo webhodi le-CIDB uMnuz Khulile Nzo uthi bazomukela osonkontileka bokuqala abazoqala lolu hlelo lwe-CCMUthi lolu hlelo le-CIDB luzonika ushintsho osonkontileka abano-grade 2 kuya ku grade 6, ngokubanika ulwazi ekuphatheni imisebenzi, ukubafindisa ukuphathwa kwemali ngokuletha umsebenzi oseqophelweni eliphezulu. “Kuyiqiniso elingephikiswe ukuthi kukhona osonkontileka abakulomkhakha abangenawo amakhono. Yingakho i-CIDB ithathe igxathu lokuhlala phansi nosonkontileka ukuze ibacije ngolwazi nangamakhono ukuze bakwazi ukunyusa amasokisi benze umsebenzi oseqophelweni eliphezulu,” kuphetha uMnuz Nzo.
UNGQONGQOSHE woMnyango wezeMisebenzi yoMphakathi neNgqalasizinda KwaZulu-Natal uMnuz Martin Meyer uthi kuyamjabulisa ukuba ingxenye yokuthuthukisa osonkonteka abasafufusa KwaZulu-Natal. Uthi ngalolu hlelo akangabazi nakancane ukuthi izosimama le mboni izosimama ibe kwelinye izinga elicokeme.