I-HARRY GWALA NOHLELO LOKUGQUGQUZELA UKUBHALISELA UKUVOTA

UMEYA yesifunda iHarry Gwala Cllr Zamokwakhe Nxumalo.

NOMCEBO NGEMA

I SIFUNDA sase Harry Gwala, sigqugquzela ukubhalisela ukuvota komphakathi ikakhulukazi entsheni.
Lokhu kuvezwe uMeya Zamokwakhe Nxumalo, engxongxweni ebikhethekile naleli phephandaba, ngoLwesithathu, eXobho ngesikhathi kunohlelo lukahulumeni lokuya kubantu i-Operation Sukuma Sakhe.
Uveze ukuthi njengoba kunempelasonto yokubhalisela ukuvota ngoNhlangulana, banohlelo noMnyango wezaseKhaya, nabakwa-IEC, lokuvakashela izikole zamabanga aphezulu okungu-Grade 11 no-Grade 12, babashayise omazisi.
” Uma sehambisa ezikoleni bazobe esebehambiswa bazohamba nabakwa-IEC, ukuze babhalisele ukuvota online. Sizobakhuthaze ukuthi ngosuku lokuvota baphume ngobuningi babo bayovota,” kubeka uMeya Nxumalo.