I-SIWELELE SICHITHE ABADLALI
UMBIKO: MABUNHLE MLABA
umusamedia1@gmail.com
KUNYAKAZISWE abadlali abaningi kule sizini, okuzokwenza amaqembu ebhola kule isizini aqale nobuso obusha.
Kuchithwe uXola Mlambo noKamohelo Mahlatsi abebezama inhlanhla kwiSiwelele FC esisanda kuqasha uLehlohonolo Seema njengomqeqeshi omusha.
Leli qembu Elisha laseBloemfontein elithenge isitifiketi seSuperSport United lisahlola uBuhle Mkhwanazi noThulani Hlatshwayo abaduma kwiBidvest Wits. UHlatshwayo, owake waba ukapteni weBafana Bafana nePirates, ukhonjwa kwiDurban City FC lapho kulolonga uGavin Hunt okuthiwa umkhonze kakhulu.