IDURBAN CITY IKHIPHE IBHADI NGE-ORBIT

UBONGA isibindi sabadlali ngokunqoba ekuhambeni oyibamba mqeqeshi kwiDurban City.ISITHOMBE: Kick-Off

MALIBONGWE MAZIBUKO

IDurban City ikhiphe ishobolo ngokufaka uchatho i-Orbit College izolo ntambama, eRusternburg ngamagoli amathathu eqandeni 3-0, kumdlalo we-15 kwiLigi yeBetway Premiership.
Le miphumela emihle iza ngemuva kokuthi leli qembu likhombe indlela umqeqeshi Gavin Hunt, kwabekwa uPitso Dladla njengomqeqeshi wesikhashana.
“Ngibonga ukuzimisela nesibindi sabadlali kusukela umdlalo uqala uze uyophela. Indlela abebezimisele ngayo ibisezingeni eliphezulu. Ngibethulela isigqoko ngoba sinomlando ongemuhle emidlalweni yangaphandle,” kusho uPitso Dladla.
IDurban City ihlezi endaweni yesikhombisa kwiLog namaphuzu angama-22 emidlalweni eyi-15.