SIQALE PHANSI ISITELEKA SAMATEKISI AMABANGA AMADE

UMBIKO: ZETHU PHOSWA
KUCHAPHAZELEKE wonke amatekisi ahamba amabanga amade, njengoba siqale phansi isiteleka sabanikazi bamatekisi ahamba amabanga amade asuka esikhumulweni samatekisi iDurban Station naseYMCA.
Lesi siteleka sichaphazele nezindawo okuyibanga ukuya kuzona uma usuka eThekwini, okubalwa ukuya eMngundlovu, eXobho, eRichmond nakwezinye izindawo.
Kuzokhumbuleka ukuthi ngenyanga edlule uNgqongqoshe wezokuThutha nokuHlaliswa kwabantu KwaZulu-Natal uMnuz Siboniso Duma, wafakana umlomo nabanikazi bamatekisi, baphuma nesinqumo esithi azobuyiswa amatekisi abo adliwe ushanela ngoba engenazo izimvume zokuthutha umphakathi.
Okungacaci kahle ukuthi yini ebuye yavimba ukuthi bengabuyiselwa izimoto. NgoLwesithathu omunye umthombo osondelene no-Ayanda Msweli owethula isiminyaminya uke waluchaza lolu daba lokuthi kungenzeka kusukela namuhla kune nokuphazamiseka kokuhamba kwamatekisi.