USOTSHWEBHU KAMASIPALA WETHEKU UVAKASHELE IZAKHAMUZI EZIYI-113 ECORNUBIA
USOTSHWEBHU uCllr S’negugu Sishange ekhuluma nezakhamuzi.
IZAKHAMUZI zaseCornubia zithanele izinkulumo zeminyango ehlukahlukene kaMasipala weTheku kanye nekahulumeni. IZITHOMBE: ETHEKWINI MUNICIPALITY
NOMCEBO NGEMA
USOTSHWEBHU kaMasipala weTheku uCllr S’negugu Sishange uvakashele izakhamuzi eziyi-113 eCornobia, ezasala dengwane ezindaweni ezehlukahlukene, ezakhahlanyezwa yizikhukhula, ezithole imizi emisha, eCornubia.
UCllr Sishange uvakashele lezi zakhamuzi, ngenhloso yokuzididiyela ezinhlelweni zikamasipala kanye nokuzijwayeza indawo yaseCornubia njengoba ziqhamuka kumalokisho ahlukene aseThekwini.
Ubengahambi yedwa uCllr Sishange njengoba ebephelezelwe yiminyango kamasipala, okubalwa kuyona okagesi, owamanzi nenhlanzeko, owokuqoqwa kukadotii, owezokwesekwa kosomabhizinisi abasakhula, abezokuphepha, amaphoyisa kaMasipala, izinhlaka zikahulumeni i-Independent Electoral Commission, uMnyango wezaseKhaya, uMnyango wezokuThuthukiswa koMphakathi, uMnyango wezeMfundo, uMnyango wezeMpilo kanye noMnyango wezokuHlaliswa kwaBantu KwaZulu-Natal