UVALO KUTHOLAKALA ABAYI-5 BEBULEWE ENANDA

UMBIKO: ZETHU PHOSWA

INGEBHE kutholakala
izidumbu eziyi-5 zabantu ababulewe eBhambayi, eNanda namuhla ekuseni.
Ukutholakala kwalezi zidumbu zabesilisa ebezilele uyaca eBhambayi, akukatholakali ukuthi zibulawele kule ndawo, okanye zilahlwe kule ndawo, ngemuva kokugilwa.

Lezi zidumbu zabesilisa zilinganiselwa eminyakeni eyi-19 kuya ku-26, ezintathu bezidindilize enkundleni yazemidlalo yesikole Comprehensive Secondary, ezimbili bezibuqamama nesikole.

Kuthiwa lezi zidumbu
ezingakahlonzwa ukuthi ngezobani, zitholwe zinamanxeba okugwazwa nokushaywa ngocelemba.

Okhulumela amaphoyisa KwaZulu-Natal uCol Robert Netshuinda usiqinisekile lesi sigameko, wathi amaphoyisa asathungatha abasolwa, ababulale labantu abahlanu.

Uthi isizathu sokubulawa kwabo okwamanje asikaziwa, wacela abangaba nolwazi basebenzisane namaphoyisa.

Kuzokhumbuleka ukuthi imibiko yamaphosisa KwaZulu-Natal ngoDecember ngonyaka ofile, yaveza ukuthi iNanda iyona ehamba phambili kulesi sifundazwe ngobugengu.