KUBOSHWE ABASOLWA ABANE NEPHOYISA NGEZINSOLO ZOKUTHUMBA
BAZOVELA maduze enkantolo yaseThekwini abasolwa ngokuthumba usomabhizinisi. ISITHOMBE: FACEBOOK.
NOMCEBO NGEMA
BAZOVELA maduze enkantolo abasolwa abane okubalwa noSayitsheni waMaphoyisa oneminyaka engama-34 ubudala , ngezinsolo zokuba ingxenye yokuthumba nokubamba inkunzi ngoLwesihlanu, mhla ziyi-16 kuMasingana eThekwini.
Kubikwa ukuthi labasolwa abane bathumba usomabhizinisi was eThekwini, bafuna imali enkulu ukuze akhululwe.
Amaphoyisa athi abe eseqala uphenyo, aba nomkhankaso enkabeni yeTheku ngenhloso yokuhlenga lo somabhizinisi owatholakala engenamyocu.
Bobane abasolwa kumanje basaphekwa ngemibuzo esiteshini samaphoyisa eDurban Central, kulindeleke ukuthi bavele enkantolo maduze.