AMABOMBO ABHEKE E-KENYA KU-McCARTHY

UMBIKO: MABHUNHLE MLABA

INKAKHA yeBafana Bafana uBenni McCarthy wethulwe namhlanje ngoMsombuluko ngokusemthethweni, njengomqeshi weqembu lesizwe iKenya. Inhlangano engamele unobhutshuzwayo eKenya imemezele ukuthi uMcCarthy unikwe inkontileka ezophela ngo 2027.
Njengoba kuke kwabikwa ngaphambilini uMcCarthy ulande abasizi abathembayo naseke wasebenza nabo ngaphambilini oVasili Manousakis, Moeneeb Josephs noPilela Maposa ozoba i Performance Analyst.
UMcCarthy uke wasebenza nalezi zinsizwa kwiCape Town City wanqoba isicoco seMTN 8, basuka lapho bayogila izimanga eThekwini befaka AmaZulu ku-CAF Champions League okokuqala emlandweni weqembu.
Useyoqeqesha e-Afrika nje uMcCarthy usebuya kosebenza kwiManchester United lapho abeqashwe njengomqeshi wabagadli.