SEKUVULIWE UKUNGENELE UZIME KA-MISS SOUTH AFRICA 2025
UMBIKO: AKHONA DLAMINI
SEKUQALIWE ukuthungathwa kwabazongenela uZime ka-Miss South Africa 2025.
Lezi zintokazi ezizongenela zizokuba zilobizela ukuthatha isicoco kuMia le Roux, okunguye osingethe lesi sicoco, asihlwithe ngonyaka owedlule.
Usuku oluwumnqamulajuqu wokufaka izicelo umhla ziyi-11 ku-April, ngehora lesithupha (18:00) ntambama.
Abafuna ukungenela lo mncintiswano kumele babe phakathi kweminyaka engama-20 nengama-32, babe izakhamuzi zaseNingizimu Afrika.
Lo mncintiswano ugxile kokungaphezu nje kobuhle, ukufuna abesifazane abakhombisa ubuholi, ubuhlakani, nokuzibophezela ezinhlosweni zomphakathi.
Bathi ozobashaya emakhanda uzokwenza imisebenzi ebandakanya ukuthuthukisa imiphakathi, emele izindaba ezehlukene, ukupha abantu abaswele, kanti kufanele abe yisibonelo esihle kwabesifazane abasebasha baseNingizimu Afrika
Kwabafuna ukungenela bangavakashela ku-www.misssa.co.za