KWADUKUZA BAHLOMULE NGO-R26 BILLION KUBATSHALI ZIMALI

LIHLOMULE ngemali eyeqile ku-26 billion uMasipala wakwaDukuza

AKHONA DLAMINI

I-KWADUKUZA isingezinye zezikhungo ezihamba phambili ekutshalweni kwezimali KwaZulu-Natali kulandela izimemezelo ezenziwe iKwaZulu-Natal Investment Conference ebise-Inkosi Albert Luthuli International Convention Center (ICC), eThekwini.
Izimemezelo zakamuva ziveze ukuthi iKwaDukuza seyinengxenye ebalelwa ku-R26,5 billion.
IMeya yakwaDukuza uCllr Sduduzo Gumede wemukele ngezandla ezimhlophe lezi zimemezelo, wagcizelela ukuthi lezi zimali ezitshalwayo zizokhuthaza ukukhula komnotho nokudala amathuba emisebenzi.
“ Lokhu kuqinisekisa isikhundla saKwaDukuza njengenye yezindawo ezikhanga abatshalizimali esifundazweni,” esho.

Izinhlelo zokutshalwa kwezimali zihlanganisa izindawo zokuhlala, ezokuvakasha, ubuchwepheshe, kanye nokuthuthukiswa kwengqalasizinda yamadolobha.