ZIYAQHUBEKA IZINGXOXO ZABAMATEKISI NONDUNANKULU E-KZN
UMBIKO: ZETHU PHOSWA
NAKUBA abamatekisi alayisha eDurban Station amabanga amade, bengazange balubhade kumhlangano abebezokuba nawo, noNdunankulu waKwaZulu-Natal uMnuz Thami Ntuli kodwa zisaqhubeka izingxoxo ukuze kuphunywe nekhambi.
Bekulindeleke kube nomhlangano ngoLwesine obubhekwe ngabomvu, ukuthi yiwo ozophuma nekhambi.
Kulo mhlangano bekulindeleke uNgqongqoshe
woMnyango wezokuThutha nezokuHlaliswa koMphakathi KwaZulu-Natal uMnuz uSiboniso Duma Abanikazi bamatekisi angaphansi kwenhlangano iDurban Station Long-distance Association okubalwa aseYMCA nawasrDurban Station okuthiwa abafikanga bona.
UMnuz Lindelani Mbatha okhulumela uNdunankulu waKwaZulu Natal uthi azimile izigxoxo phakathi kukaNdunankulu uNtuli nabamatekisi, nakuba bengaqhamukanga emhlanganweni laba bamatekisi alayisha eDurban Station.
Lesi siteleka samatekisi samabanga amade aseDurban Station naseYMCA eThekwini, elibangise zindaweni ezifana naseRichards Bay, KwaNongoma, Mtubatuba, Newcastle, Swazilanda Lesotho, Gauteng nezinye izindawo, siqala ngeledlule ngoLwesihlanu.
kugcine kuqhamuke ukyth
Lokhu kungenelela kukaNdunankulu kulolyu daba, abantu babeke amathemba abo ukuthi uzofika nesixazululo, abantu bakwazi ukuhamba njengoba bevalelekile.
Lesi siteleka sesithathe izinsuku eziyi-10, sihluphekisa ngokuvaleleka kwabantu abaningi.
UNdunankulu uNtuli ukungenelela kwakhe kuzofika nesixazululo kulesi siteleka samatekisi.
Kusasa kulindeleke ukuthi abenomhlangano nabanikazi bamatekisi iLong-Distance Association eMgungundlovu.
Abanikazi bamatekisi angaphansi kwenhlangano iDurban Station Long-distance Association bakhala ngokuthathelwa izimoto zabo, abathi zithathwa amaphoyisa ngaphansi kwe-Oparation Shanela.
Abamatekisi ingcapha bayikhomba
ku
ozobe eyingxenye yomhlangano wakusasa ngokunqaba nezimvumo zokusebenza.
UNdunankulu uNtuli uthi uyabona ukuthi lesi siteleka samatekisi sinomthelela omubi emphakathini nasesimeni somnotho wesifundazwe.
“Abantu baKwaZulu-Natal kumele babekwe phambili. Asikwazi ukuvumela ukuthi abantu abangaphezulu kuka-100 000 bathwale kanzima ngezokuthutha okumele zibafikise ezindaweni abaya kuzo,”kusho uNtuli.