AMAKHOSI ANCOME U-KHAWULA NGOLWASE-NCOME
UNGQONGQOSHE wezeMidlalo amaSiko namaCiko uMnuz Mntomuhle Khawula ethula inkulumo emakhosinii asendlunkulu. ISITHOMBE: KZNDSAC
NOMCEBO NGEMA
AMAKHOSI akhele izifunda uMzinyathi, iZululand, uThukela naMajuba asebonge anconcoza kuNgqongqoshe ohola uMnyango wezeMidlalo, wezobuCiko namaSiko KwaZulu-Natal uMnuz Mntomuhle Khawula, ngokuwanika ithuba lokwazi kuqala ngokuza komgubho wosuku lokubuyisana ezweni umhla ziyi-16 kuZibandlela.
Lezi zincomo zivele ngesikhathi uNgqongqoshe uKhawula ebize amakhosi kumhlangano obuseNcome Museum izolo.
Amakhosi akushayele izandla okwenziwe uNgqongqoshe, athi bekuwabinda ukuthi uma kuza imicimbi emikhulu kule ndawo, angaziswa ngendlela efanele.
UNgqongqoshe uKhawula ubebize amakhosi namakhansela akulezi zindawo ukuzowabikela ukuthi, kuzofika uMengameli wezwe uMnuz Cyril Ramaphosa eNcome, okuyindawo eyaphenduka igazi ngenxa yegazi elaphalala kulomfula womlando.
INkosi yabaTlokoa baseNquthu iNkosi Bokang Molefe ithi bekuyiphazamisa emoyeni ukubona lolu suku lunganikwa isithunzi esifanele.
“Sekuneminyaka imicimbi yenzeka lapha, unyaka we-17 lona ngisesihlalweni. Obekuqapheleka ukuthi lo mcimbi awukhuli. Isikhalo sami sisodwa esokuthi izwe laseNingizimu Afrika lineholidi elihlonishwa iNingizimu Afrika yonke kodwa umsuka waleli holidi usuka layikhaya. Lolu suku alusahloniphekile futhi kuningi ukuxoveka. Lolu suku alusenanhlonipho, alusahloniphekile kanti siyisizwe sonkana sesiyehluleka ukuqonda ukubaluleka kwalo,” kusho iNkosi uMolefe.
UKhawula uthi kulo nyaka, lolu suku luzohanjelwa k uMengameli wezwe uMnuz Cyril Ramaphosa, uNgqongqoshe wezeMidlalo, wezobuCiko namaSiko kuzwe lonke uMnuz Gayton Mckenzie
.