I-BAY IDLIWE NGESCORE SOMPETHA YI-PIRATES
IRichards Bay igobe uphondo iguqiswa i-OrlandoPirates koweCarling Knockout. ISITHOMBE: Orlando Pirates
MALIBONGWE MAZIBUKO
BEKULINDELEKE ukuthi i-Orlando Pirates izigwazele ibhece kwiRichards Bay kodwa yagcina ibadle ngesscore sompetha 1-0, emdlalweni weCarling Knockout Cup, obekuwumdlalo owandulela owamanqamu, obudlalelwa ezinkundleni zemidlalo eMoses Madiba Stadium, eThekwini.
IRichards Bay ikhombise ukuzethemba, njengoba i-Orlando Pirates igcine ngokuvalela enethini igoli elilodwa kwisiwombe sokuqala, elidudlekwe enethini uTsepang Moremi ngomzuzu wama- 42.
IPirates njengoba iguqise iBay izobhekana neMarumo Gallants kowamanqamu.
Kuzokhumbuleka ukuthi lo mqhudelwano ngesizini edlule, wanqotswa iMagesi FC .