ZIKHALA NGOKUDULA KOKUYA KOWO-MHLANGA EZASE-GOLI
ZETHU PHOSWA
ZIKHALA ngezindleko ezimba eqolo uma zize kuMkhosi woMhlanga izintombi ebeziqhamuka eGauteng.
Lokhu kuvezwe uNksz uMbali Zondo (24) wase Crown Gardens eGoli oqhamuka eqembini uThingolwamakhosazana olungaphansi kukamama uMaZulu waseThembisa. Uthi kuwumqansa kakhulu ukuza kulo mkhosi njengoba bengatholi uxhaso olutholwa izintombi zaKwaZulu-Natal.
Uveze ukuthi babhekene nengwadla yokumba eqolo kwamabhasi, ukudla nemvunulo konke okudla ephaketheni labo.
“Asixhaswa eGauteng njengoba kuxhaswa izintombi zangapha, umuntu usizwa ukuthi uyasebenza, ‘ kuchaza uMbali.
Uphinde waxwayisa ontanga yabo ngokuthi kumele bafunde ukuzenzela izinto banganciki kakhulu kwabesilisa ngokwezimali.
Uqhube wathi ukududulana kwezintombi emkhosini, ukusuka eGoli bahambe indlela ende kanje abakugqizi qakala ngoba banothando loMkhosi Womhlanga