ZIKHWELE KOWADUMA KU-KHOZI FM

UMBIKO: MABUNHLE MLABA

ZIKHWELE kowaduma kuKhozi FM uqokelwe esikhundleni esiphezulu enhlanganweni eyeseka amaciko KwaZulu-Natal.
UZandile Tembe umenyezelwe njengephini likaSihlalo weKwaZulu-Natal United Music Industry Association (KUMISA).
UZandile waduma esebenza oKhozini FM njengophrojusa wohlelo lwasekuseni olwalushayelwa uLinda “Mr Magic” Sibiya. Waphinda wagixabezwa ngesikhundla esimqoka sokuba i-programmes manager. Washiya emsakazweni enengcindezi njengoba kwakubikwa mihla namalanga ukuklwebhana kwakhe nomphathi uSibongi Ngcobo, naye owasula ngemuva kwengcindezi.
IKUMISA iyinhlangano engenzi nzuzo eyeseka futhi isize ekusimamiseni umsebenzi wemboni yomculo kanye nababambe iqhaza KwaZulu-Natal.