KUCIJWE INTSHA NGOBUHOLI KOWE-JCI

UMBIKO: AKHONA DLAMINI

KUHLOMULE intsha yaseThekwini ngolwazi lubuholi, kulandela ukuthi inhlangano yentsha i-Junior Chamber International (JCI) eThekwini, ihlele umhlangano wokucija intsha kwezobuholi bakwezobuchwepheshe, ukuze ubuholi buhambisane nesikhathi.
Lokhu kwenzeke ngesikhathi kunomcimbi obuse nyuvesi yase Durban University of Technology.
Lo mcimbi owenziwe owandulela ingqungquthela yentsha yaseNingizimu Africa, ezothatha izinsuku ezine kusukela mhla zingama-21 kuNhlaba kuya mhla zingama-24 kuNhlaba kulo nyaka ebizwa nge JCI Africa & Middle East Conference, eThekwini.
USphiwe Khuzwayo onguMengameli we-JCI eThekwini utshele leli phephandaba ukuthi, inhloso yengqungquthela, ukuhlomisa intsha ngokuba nolwazi kubuholi.
“Izwe lethu ukuze lithuthuke lincike ekutheni intsha ibe nobuholi obuqinile. Lolu hlelo luyingxenye yomizamo ejulile ye-JCI yokukhuthaza abaholi abasebasha abangenza izinguquko ezibonakalayo eNingizimu Afrika nakwamanye amazwe,” kubeka uSphiwe.