KUBANJWE ABASOLWA NGOKUNTSHONTSHA UPHETHILOLI E-VAAL
ABASOLWA abayi-11 ebebekumshikashika wokuntshontsha uphethiloli eMayerton, eVaal. ISTHOMBE: x.com
PHUMELELE DLAMINI
AMAPHOYISA oPhiko lwamaHAWKS abophe abasolwa abayi-11, okubikwa ukuthi baneminyaka ephakathi kwengama-27 kuya kwengama-46 ubudala, ebebezama ukweba uphethiloli endaweni yokuwugcina eMayerton, eVaal.
Kuvele ukuthi amaphoyisa athole imininingwane ngalolu hlelo obeluyimfihlo, kwathi ngesikhathi beqaphe le ndawo kwangena amaloli amabili emagcekeni okuyilapho bebanjwe khona.
Indawo le ababanjelwe kuyona amaphoyisa iveze ukuthi ibingaphansi kweso lomlawuli. Kubasolwa abayi-11 ababili bebengonogada bakulendawo futhi bebesebenzisana nalaba ebebezontshontsha uphethiloli.