USHADE ENGAKAZE ABONAKALE NESOKA UZOZIBINI
UMBIKO: MABUNHLE MLABA
KUTHUKE abaningi kubonakala lowo owake waba uMiss South Africa noMiss Universe uZozibini Tunzi eshada, okubonakale okokuqala ngqa isoka lakhe uLuthando Bolowana.
UZozibini noLuthando basebenzise le mpelasonto esiphuma kuyo ukushada.
Indumezulu yomshado wabo obusePaarl eCape Town ibihanjelwe osaziwayo okubalwa u-Anele Mdoda, Nomzamo Mbatha, Ama Qamata noConnie Ferguson.
Omunye usaziwayo osebenzise le mpelasonto, uCandice Modiselle, onamakhono amaningi okubalwa ukulingisa nokuphatha izinhlelo, yena oshade nomnumzane owaziwa kuphela ngokuthi uMr Sello.