UKHAWULA NOHLELO LWEDLINZA LE-SILO UMDLOKOMBANA
A
UNGQONGQOSHE KHAWULA. ISITHOMBE : SPHA MBHELE
AKHONA DLAMINI
UNGQONGQOSHE woMnyango wezeMidlalo ezobuCiko namaSiko KwaZulu-Natal umnuz uMntomuhle Khawula ugadle washoshela ngenkulumo kwabagxeka ukusebenza koMnyango wakhe esifundazweni ngokusebenzela ukuvikela amagugu esizwe eSishayamthetho sesifundazwe eMgungundlovu izolo .
UKhawula uzishaye isifuba ngokusebenzisana kahle nendlunkulu ukugcina, ukulondoloza amafagugu nokugubha imigubho kaZulu.
“Ngizishaya isifuba ngebanga eselihanjwe yilo Mnyango egameni likahulumeni wesifundazwe. Sibe nokusebenzisana okuhle neNdlunkulu, amakhosi yizinduna nohulumeni bezindawo ekuhlonipheni izikhonkwane ezagxunyekwa zingqalabutho zezwe, “ kusho uNgqongqoshe uKhawula.
UNgqongqoshe uphinde watshela iphalamende ukuthi ukuthi njengomnyango basezinhlelweni zokuthi idlinza le Silo esebuzile uMdlokombane uZwelithini kaBhekuzulu neleNdlovukazi yakwaKhanagela uMantombi ka Sobhuza abe yizizinda zamafa-gugu ezwe.
