UKHAWULA UZIBOPHEZELE UKUTHUTHUKISA EZEMIDLALO EZIKOLENI

UMBIKO: ZETHU PHOSWA

UMNYANGO wezeMidlalo, ubuCiko namaSiko KwaZulu-Natal, uthi uzibophezela ukuthuthukisa ezemidlalo ezikoleni.

Lokhu uNgqongqoshe Mntomuhle Khawula ukusho ngesikhathi ezonika izikole ezahlukene ikhithi yebhola, ezinkundleni zemidlalo eHarry Gwala, eMgungundlovu namuhla.

Kulolu hlelo kuhlomule izikole eziyi-426, ezingaphansi kwezifunda eziyi-12 ngekhithi yebhola.

Lezi zikole ezihlomulile kulolu hlelo, izikole zasemakhaya ikakhulukazi.
“Nakuba lezi zikole zingaphelele njengoba izikole eziKwaZulu-Natal zibalelwa ku-6200, isifiso sethu ukuzisiza zonke,” kubeka uNgqongqoshe uKhawula.
Uthi ikusasa liphethwe yizingane okuyizo abaholi bakusasa.
Uncome igalelo lezikole ngokuklama indima ekuthuthukiseni ezemidlalo nokutshala uthando.