ISILILO KUDLULA EMHLABENI UQWEQWE LUKASOLWAZI E-UKZN
USOLWAZI Yackoob Kassim ongasekho emhlabeni. ISITHOMBE: FACEBOOK
NOMCEBO NGEMA
ALUSEKHO emhlabeni uqweqwe lukaSolwazi waseNyuvesi yaKwaZulu-Natal (University Of KwaZulu-Natal), uMnuz Yackoob Kassim oneminyaka engama-92 ubudala.
Izindaba zokudlula kwakhe emhlabeni zimenyezelwe iyona le nyuvesi, eveze ukuthi uSolwazi Kassim ubengumncwaningi wokwelapha izinso, nomfutho wegazi ophezulu.
Le ngcithabuchopho ibimayikayika izikhundla eziphezulu okubalwa okubalwa ukuba yiNhloko yoMnyango Wezokwelapha, ukuba nguSolwazi Ophezulu Wezokwelapha.
Ubhale izincwadi zesayensi ezingaphezu kwama-360, futhi waba negalelo elikhulu ezincwadini eziningi zezokwelapha. Umsebenzi wakhe uthole ukuqashelwa emhlabeni wonke, ikakhulukazi ekuthuthukiseni ukuphathwa komfutho wegazi ophezulu e-Afrika eseningizimu yeSahara.
Inyuvesi idlulise amazwi enduduzo emndenini wakhe, ozakwabo, abangani nakubafundi.
