INJAMPELA IPHUCWE EKUSENI INDEBE KOWE-MANGOSUTHU CUP
Kulibhedele iqembu leNjampela lihluleka ukuvikela isicoco sePrince Mangosuthu Legacy Cup
ISITHOMBE: Mangosuthu Cup
MALIBONGWE MAZIBUKO
KULIBHEDELE iiqembu lebhola iNjampela kumqhudelwano we Prince Mangosuthu Legacy Cup, kulandela ukuthi beguqiswe Amazulu ngamagoli amabili kwelilodwa (2-1), enkundleni yezemidlalo ePrince Mangosuthu Complex Sportground Olundi, izolo.
Njampela iphucwe iNdebe engayilwelwanga kowamanqamu, njengoba imvula ibinamandla, iphoqe ukuthi iNdebe iphakanyiswe amaqembu womabili, abekowamanqamu okunga-Amazulu FC neHotspur FC.
INjampela okuyi qembu elizinze KwaNongoma, kube yiyo edudleke enethini igoli okokuqala, kodwa Amazulu athi cha azocacisa ingqwele ebafaneni, ngokududleka enethini amagoli amabili nawo kusona isiwombe sokuqala.
Lo mdlalo uphele sekumuncu ngemva kokuthi uThobani Mncwango ephume ngekhadi elibomvu.