I-PIRATES IZOYA EMDLAWENI IXHUGA NAMUHLA

UMBIKO:MABUNHLE MLABA

I-ORLANDO Pirates izoya emdlalweni wayo nomkhaya iKaizer Chiefs namuhla ixhuga, njengoba ezobe engekho ukapteni wayo oyisitobha. UNkosinathi “Bhodlela” Sibisi uthole ikhadi elibomvu bedliwa yiSekhukhune United emdlalweni weBetway Premiership e-Orlando Stadium ngoLwesithathu ebusuku.
Kulo mdlalo iPirates ishaywe ngo 1-0 ngegoli likaTreaor Tshibabwa. Idliwa nje iPirates ibisazikhotha amanxeba ngokukhishwa kwi semi final ye CAF Champions League ngempelasonto edlule. USibisi ungomunye wabadlali abayizinsika kwiPirates, unokubizwa kwiBafana Bafana. Kweminye imiphumela yemidlalo yeLigi yangoLwesithathu iSundowns ixebule iRichards Bay FC ngo 3-0 eLoftus Versfeld Stadium ePretoria kwathi iStellenbosch FC saguqisa iChippa United ngo 1-0 eCraven Stadium eWestern Cape