I-DUT IHLONIPHE INYANGA YABESIFAZANE

AKHONA DLAMINI

IPHETHWE ngesitayela inyanga yabesifazane e-Durban University Of Technology, njengoba bekunomcimbi obuhlelwe i-Qhakaza Ladies Network ngaphansi kwesiqubulo esithi, “Empowering to rise, inspired to thrive.”
Le ndumezulu yomcimbi beyihlanganise abesifazane abasebancane nabamkantshubomvu bowuphinde ubophele isikimu sabesifazane abanamagalelo acokeme, okubalwa usomabhizinisi ophinde abe udadewabo ka-Nomzamo Mbatha u-Wendy Mbatha.UNombuso Mtshali owaziwa ngelikaNdoni noNomasina Zulu.
Ekhuluma nabesifazane uWendy Zulu ugqugquzele abesifazane ukuthi bazethembe kukho konke abakwenzayo.
“Ngiyazi nonke niyazibuza ukuthi ngize kanjani lana ekubeni benginephuza enkundleni zokuxhumana. Engizonitshela kona ukuthi angiyena womuntu ngowankulunkulu, nawe ngokunjalo kungakhathazi ukuthi abantu bathini ngawe ngoba ngeke kukuse ndawo lokho, ” esho.
UNombuso Mtshali uthe abesifazane abansundu abazigqaje ngobuhle bebala labo.
“Mina nginesibazi sokusha ethangeni kodwa akungivimbi lokho ukuba ngigqoke izinto ezimfishane.” kusho yena.