KUGADLA KUPHINDELELA UKUFA EMSAKAZWENI

UMBIKO: BUSISIWE ZONDI

KUPHINDE kwagadla ukufa emsakazweni ongaphansi kwesikhondlakhondla.
Ukudlula emhlabeni kukaNomonde Patience Vakalisa (47) obengumsakazi woMhlobo Wenene, enza izinhlelo zokholo, kwethuse abaningi, obekwandulelwe ukushona kukaNondumiso Shazi (33) obeshayela uhlelo lukaSonto Sikole I-Vumelani Abantwana Bezekimi emsakazweni uKhozi FM.
UVakalisa ubephinda ahole ibandla eliseGqeberha, i-Thy will Ministries.
Izindaba zikaVakalisa zivezwe umndeni wakhe ekhasini lakhe uVakalisa lakaFacebook.
Umhlobo Wenene FM uphinde waqinisekisa nawo kwizinkundla zokuxhumana zawo, ukuthi impela akasekho uNomonde, emuva kweskhathi eside egula.

U-Loyiso Bala, obhekelele ezamabhizinisi kwinhlangano yezokusakaza i -SABC e- Eastern Cape, namuhla ekuseni umemezele lezi zindaba, eziqinisekisa ohlelweni ,iKhanya Gqiyazana.

UBala uphinde wagcizela okushiwo umndeni, kokuthi izinhlelo zonke bazozidlulisa emuva kokuhlangana bewumndeni.